احســاسى
انك قريب منى لما بتكون بعيد عنى
وانك حتــة منى وانت ســاكن جوة قلبــى
انك نور عنيــا وانك اجمل ما فيـــا
وانت اقربلى منى وانك بتجرى فى عروقى
لا.. دانت طلعت ساكن جوا روحـــى
انك نسمة الكون وضى العيون
انك فرحة عمرى وماليها شجن وجنون
احســاسى
وسكوتك بيهمس لقلبى وكلامك بيغذى روحى
حياتى انا ليك وحياتى مش هتكفى فحبى ليك
لو العمر عمرى وبايدى اعيشة تانى هعيشة تانى عشان عنيك
احساسى بانى ملكت الكون
بانى لمست النجوم , بانى زى الطير الحنون
لما بحس بروحك ويايا ولما بيسهر قمرنا
يسمع غنايا ويسمع منايا ويسمع نغم قلبك وهمس كلامك
احساسى
لما بترسم جوا العيون حبــ وشوق وجنون
لما بهمسك تدفينى وبحبك بتحينى
لما تنورلى طريقى
وانت مالك روحى وبترسم معالم وملامح
لمعانى جديدة مكنتش حاساها من قبــل
ولا كنت شايفلها قيمة
خلتنى فلحظة ملكت الكون وفلحظة تانية اسيرة لقلب مجنون
احساسى
وانت معايا وقت مطرة فى شتوايا
وبكل براءة ياخدنا الحب من جوانا
ونجرى سوا لبعيد لعالم تانى مفيوهوش حد وحيد
وفجاءة نحس ببردها ونخاف من رعدها
واجرى عليك عشان تحضنى عنيك
واحس بدفا قلوبنا
احساسى
لما بشوفك قدامى بشوف وياك عمرى وايامى
بشوف حيـــــاة
بشوف عمر راح مكنلوش معنى من غيرك
وعمر جاى هنبنية وانت ايديك فايديا
واحنا بنكبر سوا وبيكبر ويانا عمرنا
وتفضل هيــا انا حبيبة عمرك الى حتة منك
وتفضل انت الى ملكت عمرى وخلتلة معنى
الى رسمت ملامح لحياتى انا من قبل حتى متولد هنا
احســـاسى
واحنا بنكبر سوا و يكبر ويانا حلمنا
بيت صغير وسط الكون
واسرة جميلة تنور طريق عمرنا
زى النجوم الى منورة فى السما
وتكبر ازهار عمرنا وتطير فراشات حلمنا
ولســة بنكبر سوا
وبنشوف احلامنا هنا فى الدنيا
واتعبلك وتتعبلى وافرحلك وتفرح عمرى
ايدك فايدك على الدنيا سوا وعينك فعينى وملينا الحب بالهوى
جوايا هيعيش حبك وجواك انا عارفة قلبك
شايل قلبين سوا متعهدين على الحبــ ويا الهوى
ونفضل انا وانت سوا
اشيل جوايا حتة منك
شايلة املنا وحبنا الى متعهدين سوا
ونفضل نستنى ايام وشهور
لحد مينور عمرنا
مولود من عشقنا وبيجرى فعروقة دمنا
احنا الاتنين سوا
وتكبر معاة ايامى وتحلو معاة احلامنا سوا
ويفضل ينبوع الحب مليان امل
وتفضل شمسة تشرق كل يوم
ومهما يعدى يوم ورا يوم هتفضل ذكرى الحبــ
على جبيــن ابننا ويفضل ينادنى بانة مولود من الحب والهوى
طيب ده جزء حلو شيلتيه ليه في ايجي
ردحذفمش عارفة الجزء دة الوحيد التى لما كتبتة حسيت بية اوى لدرجة خلتنى ادمع شيلتة مش عارفة
ردحذفيا غادة المدونة بتاعتك كانها عالم تاني خالص ..
ردحذففظيعة قوي بجد ..
ربنا يخليكى يا مرمر :$ بحاول على قد مقدر ارسم عالمى هنا او الى بحسة وبشوفة المهم انها عجبتك ربنا يخليكى ليا
ردحذف