فوسط ازدحام الكون ..لحظة بتعدى وراها التانية ...والدنيا عمالة تلف بيــا فدايرة
مش حاسة باى حاجة ولا حتى سامعة صوت لانفاسى
سامعة كل همسة وكل كلمة ..شايفة قدامى حالات
بس مش حاسة بشىء
حاسة انى بتفرج على الدنيا من برة الدايرة
مش حاسة المعانى ..ولا شايفة الاحاسيس
اوقات كتير بحس انى المفروض افضل ساكتة ومتكلمش
اوقات كتير بتخيل انى مش شايفة الكون
وبتخيل وقتها كنت هحس باية
لو كنت ساكتة كان اهون بكتير من انى اشوف الغلط قدامى ومتكلمش
انى اشوف افكار غريبة ..وعيوب مشوهة معنى الكون ..وبنى ادمين نسوا فيوم معنى انهم انسان اتخلق على ارض الكون
لو كنت مش بشوف مكنتش هشوف الكرة مالى الكون ..ولا القبح بيزين صفات الكون ..ولا ناس بوجودها مزيفة
لما تحس انك عايز تختفى من الكون ..فلحظة تحس انك شايفهم من بعيد وتطمن عليهم من بعيد
اول مرة احس بانى مهما صوتى كان عالى مش هيكون مسموع
اول مرة اشوف الصمت دة جوايا
اول مرة ابعد بالشكل دة عن كل القريبين منى ومش عارفة لية حابة ابعد عنهم على وجة الخصوص
اول مرة احس ان فى معانى كتيرة اوى اختفت بدون رجعى
اول مرة حد يسألنى انتى مالك ومردش معرفتش اقول اية اكتفيت بايمائة ونظرة
ومن غير محس قمت مشيت من غير حتى مقول حرف واحد
زى منا مش لاقية نهاية للكتبتة دلوقتى غير الصمت .....
ليست هناك تعليقات:
إرسال تعليق